Vai nula chhai ang!

Khuhhawnna: Hmanni chu Munirka ah chhungten pawisa min lo thawn leh hlawla, haw lampangah inti thei zetin Nickelback- Rockstar tih hla kha ka ngaithlaa, inti vei zet in ka kal awr awra, kan inchhuih khut mai nih kha. Ka hawi hruk hruka, tuman min en lo tih ka hriat chuan Bus stand ah Bus changin ka thua, hla ka ngaithla ka ngaithlaa, Sp-i hla ‘ka dem lo che’ tih kha kan play a, lung a leng thar thut lehpek a nih kha. Vai za tam zi nuaih nuaih kara lungleng hmasa berte pawh ka ni ta ve ang. Ngaih a zeng ka neih pawh ka hre silo, mahse tiang hunah hian ngaihzawng kan hriat tirh ve det deta, kan lo chhai ruk ve, a taka kan lantir ngam loh laite kha kan han hrechhuak ve leh hnuhnawha, lung hi a leng thar ve leh em em thin.
Thupuiah lut thut ang: Thianpa siama nen kan college bang haw, kan kaldun lain kan hmalama vai nula pathum lo kal, chhe lo tak tak kan tawha, siama'n thlirzui vawng vawng paha, han ngaizawng thei mai ila chu aw!!! A tih zui vawng vawng kha rilru ah a lo luta, vai hmeichhia ngaihzawn chakna kan neih tlat pek chu le!. Tichuan heti hian rilru ka siama, vairam awm manah vai hmeichhe pakhat tal ngaihzawng ve chin hrim hrim eng tih hi!
Mahse: mahse engtin? Ka huphurh ngang mai. Pakhatnaah chuan ka HMEL hi- ka hmel hi chhia chu ka ti hran lo, mahse thian te leh ngamtlak dang ten ka hmel hi tha an ti lo hle tih ka hria. Chuvang te pawh aniang, thianten ngaihzawng an neih sap sap laia, ka la ui chuang thut reng ni. hmelin puak te lo ti ve deuh nise, kha hmeichhia kha, tiin thianpa siama te angin hawrawpuiiin kan lam ri ve fawk fawk tur. Tin a reng reng thuah min lo duh ve hlauh te pawh ni ta se, buaina liam tham tak a la awm fo!
A pahnihna ah chuan BABEL insang kha a ni. inngaizawng dawn tak tak pawh ni ila, “pradhan mantra ne kaha” tih chauh ka hre bel si. Saptawng in han be ve dawn pawh ni ila, ka thiam zawng zawng pawhin Coffee no khat lek pawh a daih dawn lo tih ka hre si. Kan in be thinrim mai mai lawng maw? Ani thei lo, ka tum tak tak a nih chuan zaizir talin ka be hmasa tal ang tiin rilru ka la siam ta fana. Pa deuhin ka che mai ang! Mahse nula leh tlangval inchhai nana zaizira inbiak ngawt thu awm suh! Mahse mahse tih vek a ni.

(he thu hi la chhunzawm tur ani)

Read more »

Edit Pictures Online in Adobe Photoshop Style with Fauxto

Fauxto is a new player in the heavily crowded market of online photo editors but with a difference.

While the current breed of online image editing program provide tools to enhance or manipulate existing pictures inside the web browser, Fauxto lets you create new images from scratch just like you would do inside Fireworks or Photoshop.

Fauxto is done complete in Adobe Flash so once the application loads inside the web browser, subsequent actions take little or no time. And wait, did we tell you that Fauxto has layers and filter support that you generally find in expensive photo editing software.

You can open multiple images at the same time that show up as tabs making it easier to switch from one drawing to another.

The images can either be uploaded from your desktop or taken from the web directly. Just be a little careful while editing stuff in Fauxto as there's no undo option yet. Ctrl+Z won't work either. And we didn't like the annoying tagline on the output as well.

Overall, a very interesting application that is very likely to climb the popularity charts as new features are incorporated. If Adobe were to ever build a web edition of Photoshop CS2, Fauxto has already done the ground work for them.

Read more »

Plot Your EMail Trajectory on Google Maps

Wondering what physical path an email message (from a friend or some spammer) had followed before reaching your inbox ? Try the Email graphic traceroute service.
You copy-paste your email headers in the Email Routemap web interface and the service draws the path of your email message on Google maps.

Another very interesting Google Maps mashup is Google Maps Traceroute - type in any IP address and the service will show the exact physical location of that IP on Google Maps.

Read more »

When Your Favorite Website Doesn't Offer RSS Feeds

Your friend sends you a link to some website - after digging for few minutes, you seem to enjoy the contents and like to subscribe to the site's RSS feed in your newsreader.
But there's a small problem - the site owner is not providing RSS feeds for users to syndicate the content. What do you do in such a case ?
Simple - create the RSS feed yourself [no programming required].
There are at least two good services that are absolutely free and can get the job done in few clicks. Here they are:
Feed43 (pronounced as "Feed For Free") is one such free service that can help you monitor any site for new content right from the comfort of your newsreader.
FeedYes - another popular Website to RSS feed service that even lets you tag the feeds. You type in the site URL and immediately get the RSS feed. There are options to finetune the results.
And yes, there are some other good advantages of these services as well like you can track Google search results or comments on blogs that don't offer separate comment feeds.

Read more »

KA HRE LO

Ka pa leh ka nu hi kum 1975 ah khawlailung ah an inneia, kan unau thum zinga a upa ber a pian hian kan in chu in chhete a chung rangva, a bang dap a ni. a lian lem lo. Ka nu pawh High School zirtirtua a thawh tan tirh a nia, a hlawh pawh a la tam lo hle. Ka pa min hrilh danin an inneih tirh hian fian pahnih, thleng pahnih leh a pawimawh zual, a lova kan awm theih loh chiah an nei tiin min hrilh thin. Kum ruk vel kan nihin Assisi English Medium school, Catholic kohhran siam ah kan unau thumin kan kal a, kg-A atang cl-v thleng kan kal, chutih hun lai chuan keimahni tiat naupang dangte ang bawkin, khawlai len leh tualchai kan hrata, zan kan leng haw, thawmhnaw leh ke pawthura, khuma lawnkai kan han tum zet thin kha chu tap pur chunga tui vawta insil a ngai leh nge nge thin. Mahse khawlai len kan thulh phah chaung lo.

Hetih lai hian kan khuaah zu a tam in, insual leh in vuak hi a tam thei em ema, chutih lai chuan kan khua chu mizoram-a khaw sual ber pahnihna ah an thlang, pakhatna Keitum niin. Naupang ho chuan zurui hi kan hlau em ema, chhan awm lo te hian min vela, a chang leh kan bek leh bekah kut nghatin min khai kang leh vaw vaw thin. a bikin ka hlau zuala, zana kan pawnto zurui kan inbula an lo kal tawh chuan kawmhnuai thim rik rek ah ka tawma, an kalbo hlan nghakin rei taka awm chang a awm thin.

Tlemin kan lo leikang deuha, kawmthlang khawimaw laiah lei tlemin kan lai zawla, beilem kan chhuang thin. chhunah kan huana mi emaw, thiante huana mi emaw antam leh maian kan sik rua, a thenin belte kan thawha, a thenin chawtlang kan thawha, kan chhuma, kan puar ve em em tho zel. Keimahni aia lianin kan ina chini leh bawnghnute phut min lakruk tir thin chu, tlai lama nute hauh tur tih hre reng chungin, aia upate hnial ngam bawk siloin, min laktir thin kha chu hreawm ve thei tak a ni

Luikal kan hrat em em bawk, a chang leh kaikuang leh sangha kahna tur nihliap-a thir leh sairawkherh pawhfan hmangin kan siama, khaw mawng Ngaw luiah kaikuang vehin kan kal thin. achang leh luite kan thliar kanga, kal kan hrat em avangin kiakuang leh sangha pawh a awm mang tawh lo. Chutah tlai lam a lo niha, kan thil man kan han chhep hrang thliah thliaha, ate berin a han thlang hmasa bera, chutah a len dan indawt zelin, kut hum zat lek kan man pawhin ka nu leh pa chuan min lawmpui ve em em thin. A chang leh tui cheng tur ringawt te hian kan kala, malpui leh khup thleng vela thuk tuiah a tlang pang sang atangin kan han in Dive siak mai thin a nih kha.min fuhpawrhtute hmaah na ti em em in kan then khi ve sung tho, dul chu na duh tak a ni, a thip vut vut loh leh a sen vual tut zel.

Kan school chawlh lai te hian ramah te kalin sava kan veh loh leh thang te kan kama, a nuam kan ti ve thei em em thin. ka la hriat reng pakhat chu, ka sava awh hmasak ber tum a ni. thang pasarih vel ka kama, zingah leh tlai tin ka en thin, a awk thei ngai silo. A tawp a tawp ah chuan thang pakhat ah hian Vate pakhat hi a lo awk ve hrama, ka hlimzia chu(h)!, inah ka hawna, ka inti thei ve em ema, chuta kut zungpui tiat vel, han puaha, zungte tiat vel lek ka in tih theihpui chu ka ni hi a nuih a za em ema, min puahsaka, naupang dang ei pawh phal lovin min ei tir ta thoa, nuam ve tak chu a ni.

Zirna lamah nise thiante ho nen hian phawk kan chhuah nasa thei! Zirtirtu te nise an hmel deuh kan han ngaihruata, chutah an mahni ang deuh tur nen kan han hmehbela, Tumbuliana te, Chukchua te, savatea te an ni nawk thin. Tlai lam kan Tution la, haw hma kan duh leh ka thiam tawh kan tia, kan inzawhtira, kan zirirtute hnungah mipakhatin note bu kan hmuh theih turin a lo keu langa, kan By-heart sa chu nal takin kan chhiar chhuak thin.

Vawikhat chu Cl-X kan zir lain Exam dawn hnaihah, tan lak leh zual hun lai takin, kan thianza hovin phawk kan han chhuah leh peka, kan school tlang, fianrial angreng takah Study camp kan neia, Matric exam bei tur pawh kan tam vak lo, 25 vel chiah kan ni. Mipa awmna leh hmeichhe riahna a hranga, inhlat deuh hlekah a ni, kan zirtirtute pawhin ven ngai tawh lovah min ngaia, min veng vak duh tawh lo. Chutah zan dar 12 velah mipa pathum vel hmeichhia riahna room-ah kan bawkvak phei them thema, an tukverh keh kara parda kan han hlim den dena, AR thisen, no bengnei khata kan ken chu an Study room kan han theh luta, a tirah chuan an hlau lo, kan tihthaih zauh zauh avangin, bakah a tirah chuan kuhva eina sen emaw an tia, chutah a rim thang an han hriaa, “min pui ru” “Ramhuai, ramhuai” tiin an rak ta chiam chiam maia, hmeichhe pahnih chu nikhaw hre lovin an ‘kaih’ a, a then an khur zawih zawiha, engmah hre lo ni awm fahranin kan va tlanluta, thisen chu Parda varah te, dawhkanah leh an lehkhabu ah chuan a lo darh nuai a, a then an tapa, a then an khur zawih zawiha, mipa ho lah tumah nui duh der lo, a khawng ho chu zut an ngai hial. Chutah kan zinga ‘Christ’ deuh ber, tihthaih rawt lai pawha, phusa ber pakhata tang chu, tih tak zetin kan han tawngtai tira, a hnuaa a sawi leh dan chuan intih puithu a har hle ni tur a ni! a tuk zan atanga kar khat vel thleng chu YMA, JAC ten silai leh torch light in kan school chu an venga, nuam lo ti deuh chungin kan khi vur vur. Thenkhat lahin, ‘a hma tang reng tawh khan ramhuai thawm an hriat zeuh zeuh na hmun a ni reng a ni’ ti tawk lah bo lo. Huiha! Khawvel hi a buaithlak nih hi!

Read more »

HMANGAIHNA TAK HI CHU AW!

(True story, hming hi thup a ni, tin, misual.com ah pawh ka ziak tawh bawk)

Vawikhat ka leng chhuak chu Thianpa Siama pui roh hi ka hmua, ka piah hla fe atang chuan a rawn khi phei vur vur a, ka bul zawn a rawn thlen phei chuan a hlim hle a ni tih ka hre nghal maia, eng nge maw chuti taka i hlim le tih zawh ka han tum chuan “Hmelthate, engmah i hre lo” a han ti nghal ngawta, ‘Engchu maw’ ka han tia, “Engmah I hre lo, kan lawm ang” lo kal rawh a tia, a hlim hlea, Rickshow chu a han phar dinga, keipoh tihtur vak ka neih bik loh avangin ka lawn ve maia, ‘A va mak awm vea, eng chu maw ka hriat loh chu’ tiin ka han zawta. “Ka bialnu ka kiss theia” a han ti ringawta, ho hi ka han ti agreng khawp a. A kiss dan a han sawia, ka nuih hi a han za lutuk a, a khi ang vur vur lehnghala, an nih atanga thlathumna velah chiah a kiss thei anih chu. A kiss dan ka han zawta, ‘a nuam lutuk, ka sawi thiam lo, a nuam a ni tawp mai’a han tia, kan han nui nasa khwpa, achhanchu thlathum chhung an nia, kiss takngial pawh an lo la in kiss reng reng lo niin.

District Centre kan han thleng pheia, a lom nan reng reng tiin Smirnoff kan han leia, a hnuah phei chuan a rui ve angreng tawh nen, a hlim lutuk hi a mangan thlak zawk, tlangval ve pui tawh, nula vawikhat kiss avanga chuti taka han hlim chu ka tia. A kiss dan a sawi chho zela, a chhungte bazaar turin an chhuak vek a ni awm e, ama Room ah an in kalh khum ve ngeia, kawngka pawh mi dang lo luh loh nan tiin an kalh ve ngei a ni. Chuan le a bialnu chu a mal chungah a rawn mu ve ngei a ni,rei vak loah an awm hnu chuan, a rawn pawng ta ni ngei tur ani, a che ngam tawh silo, tho rawn a ti phal bik silo. A bialnu chuan a delhsak ni ngei tur ani. Amah lah chu engmah hre lo awm in a awm si, a che ngam tawh silo, a sen tawn tawn ni tur a ni ka thianpa chu. Intih pachan luih a har hle aniang, khatih lai kha chuan “Ka thaw dep dep ringawt ani” a ti hial.

Ka thianpa leh a bialnu te pahnih hi an in hriatna chu arei angreng tawh,2000 velah khan school kan kal ho thina Delhi ah, chuan ka thianpa chu Mizoram ah haw lehin 2006 khan a lo kal leh in, zirna bawk chhunzawm leh turin. Chutah le naupang chhia kan ni tawh bik silo. Ka thiannu nen chuan an in karah ‘Riau’ a awm ni ngei tur ani, an ni chho tan ta, a tirah chuan ka thianpa chuan aduh lem lo, ameherawhchu ka thiannu chuan a hmangaih bur ti mai ang, a lo hmangaih ve tum hrang bawk si nen, an ni chho naw naw a, a ngaihsak loin kawm satliah mai mai in a kawm tih hrereng chungin ka thiannu chuan a dawhthei em em a, “Ka hmangaih lo che” a tih pawhin “Midang pawh nei mahla a sirah tal chuan min pawm ve hram ta che” a ti ngawih ngawih a, ka thianpa chuan a hmangaih ve miau loh avangin vawi tam tak then tumin a rilru natakin a siamsak fo thin. Mahse ka thaiannu hian a hmangaih em avang leh a in ngaihtlawm em avangin an ni tha leh mai mai thin.Amaherawhchu ka thianpan a hmangaih theih loh nachhan chu thil pakhat a awm, ka thiannu hi kawm nuam em em mai, tawng duh em em, hlim thei reng , hmel pawh chhe lo tak, zeitak ani. Mahse tlemin a tawng tam lek lek thin, bakah tlemin a lerh ve deuh hleka, tunlai tawng takin a “Flirt” ve ti mai ang, chu chu a deuhlohna chhan ber ani.

Hun leh nite an liam zela, ka thianpa rilru pawh a inthlak deuh ta, a hma ang reng zawng a ni ta bik hauh lo, ka thiannu chanchin a han hre chianga, Kum 12 vel a nih laia Accident(pawngsual) tenau a tawh thu te, amaherawhchu Pathian ring nghet tlat mi, a taka a lerh ang hu a, a rilru a thianghlim si zia te, mipa vawikhat mah a la tawh(tawk) loh thu te, a nu leh pa fa tak tak,misawi atanga a in rinhleh thin thu te, a nu leh pa atanga hmangaihna tak tak a dawn loh zia te, a hlawh chiah an duh thin thu te, nula leh tlangval karah takngial pawh hmangaihna a hmuh thin loh zia te a hrechiang ve ta, a khawngaih em ema, a lakah chiah hlimna a hmuh thinzia, a lo haider luih thin ziate a hrechhuak ta, vawi tam tak a rilru a lo tihhah leh a lo tihnat thin ziate a hrechhuak ve tan ta.

Vawikhat chu kan pathum chuan kan in chungah hian kan thua, keiin Guitar ka perha, an pahnih chuan ka piah,an tawng ka hriat phak siah hian an thua, inthlahleh leh in hmangaih tih hriat em em mai hian an inpawm vawng vawnga.Tun thlenga ka benga la cham reng chu, chumi tuma ka thiannu thusawi “U siam, mihring hi piang nawn leh thei ila chuan Sava ah hian ka piang hrim hrim ang” a tih kha ka la hre reng mai.

“Bawihi, an free vang ani tiraw”

“Nie, an free vang ani, chungleng sava te anga lungkham engmah neiloa an leng vel ka hmuh hian an mahni ang nih ka chak ve thei takzet asin, he leiah hian kei chuan Hmangaihna ka hmu loa, diriamna leh deusawhna chauh lo chu chan ka nei lo asin. Ka nu leh pa atang takngial pawh hian Hmangaihna ka dawnloh zia chu I hriat kha, engvangin nge he leiah hian ka lo pian ve le!! Why? Why?”. Ral lehlam hla fea Motor tlan zut zut leh Factory a meikhu lo chhuak nghiai nghiai lam chu a melh vawng vawnga,a mittui chu a far zung zunga, “U siam, keihi Boral mahila tumah pawh hian min ui loang ka nu leh pa takngial pawh hian, khoiah hian nge Hmangaihna chu a awm? Engnge Hmangaihna pawh chu nit a” a ti vawng vawng a, ka thianpa chuan a hrethiam em em a, a bianga mittui lo luang nghiai ngiai chu duat taka hruk pah in a pawm vawng vawnga, mahse a hnem thiambik silo.

Hun leh nite a ral zela,ka thiana te pahnih chungchang pawh chu ka thiani te chhung chuan an hre ta, an thin a rim em em a, ka thianpa chu an duh lo ani. Vawitam tak ka thiannu chu an hau a,an zilh a, an vaw bawka, mahse chuti chung chuan an inthen thei chuanglo. Vawikhat an pahniha an leng chhuak chu ka thiannu u chuan a lo hmu leh niin, a nu leh pa bulah a sawia, chumi zan chuan a vaw leh nasa a ni awme, kawnghren in a hlap ngheng a,an inkawp leh a nih chuan ka thianpa thlengin kutthlak a tum ani awm e, chu chu tun February thlatir lawk kha a ni.

Inthen loh theih a ni tawh silo, ka thianpa chuan a then thei tawh bik silo, a Hmangaih tawlh tawlh si. Mahse amah avanga a bialnuiin hreawm a tawrh a phal tawh bik silo. Ka thiannu chuan “Khuanu samsuih kan ni lo a niang, kan inthen mai hi a tha a ni. Nang pawhin then mi duh em em thin kha, keimah avanga nang lehzelin hreawm I tuar chu ka phal bik lo, mahse hei erawh hi chu i lo hrereng dawn nia, “I will always love you till the end of my life” tiin an in then ta ani.

An inthen hnu chuan ka thianpa chuan a tuar em em a, Zu a in nasa em em a, an inthen chuan a mittui a far ve zawih zawih hial a ni. Rilru mumal reng reng a pu thei tawh lo, a banah chemte in a zaia, a thi zawih zawih a, a zai lai chuan ka thiannu/ a bialnu pawh a awm ve reng. Engmah tihtheih ka nei silo. Ka en ngawih ngawiha, in va khawngaihthlak tak em ka ti vawng vawng a…….

Ka thainnu pawhin chaw reng a ei thei lo, a taksa huat em em damdawi a eia, a taksa a vual chhuak veka,khum betin a mu chawrh chawrh si.Ka thianpa lahin a kan ngam silo. Tunah hian ka thiannu chhungte chu Foreigh ah kal(Immigration) tumin Passport leh Visa vel an buaipui mek a ni. Engtin nge ka thiana leh Thiani te thil hi ka tih tak ang. An a ka ti em em a,zeploah chuan. Mahse ka khawngaih em em si.

HMANGAIHNA TAK HI CHU AW KA TI VAWNG VAWNG A…..

Read more »

Chhanlet loh hmangaihna

I hmangaih em em leh tha I tih em em, I tana engkim engkim nia I hriat in a hmangaih ve lo che hi thil mak a ni lo. Mahse I tan chuan zah ngawih ngawih na tham leh hreawm I tih em em chu a ni mai thei. Ni e, a na reng a ni, kan hmangaih neih chhun, kan hmangaih ngawih ngawih in a min hmangaih thei ve lo hi chu a na a ni.
Mahse I thiam loh a ni bik lo asin, eng anga naupangin upa pawh nila, kan tawrh leh kan zah hi chu a danglam chuang lo, kan hmangaih ten a min hmangaih ve loh hian. Mahse intih lunghnur leh in dawmkun reng hian rah tha a chhuah ngai lo tih hria ang che, chuvang in engtin nge i tih ang?
He khawvelah hian nangmah chauh in I tuar lo tih hria ang che, zak suh. Hei hi khawvel awm phung pakhat a ni. Hla tam tak hi han ngaithla chhin teh, an hmangaih ten an chhan let loh avanga an phuahna asin.Thil danglam tehchiam a awm lo, I rin ang leh I duhthusam angin akal lo tihna mai ani. Zak duh reng reng suh ang che. I tuar anih chuan tuar rawh, a chhanchu thil pakhat I hlauh a ni.!
Mahse tawrh reng hian rah tha a chhuah ngai lo a ni tih hria ang che. He thil hi I tuar ve a ni chuan hun kal tawh ngaihtuah reng a in ham buai reng lovin, hmalam hun thlir zawk ang che. Nangma rilru hah chhawkharh turin eng emaw tih tur in siam la, I hun kal tawh chu theihnghilh tum lovin theihnghilh hmak rawh. Hun kal tawh ngaihtuah hman lo turin eng emaw, hna emaw thawh hi thil tha tak pakhat ani. Thian kawm tam la, hei hi hre reng ang che,
“Life does hurt, but time does heal, even as painful as it may seems, as bad as it comes, the worst tract of life have healed slowly with time.”
tih a ni.(Chhuah tur ka hman remchang silova, heihi ka chhuah mai lol)

Read more »