Monday, November 19, 2007

VAI NULA CHHAI ANG PART II


Bung hmasa lamah Vai nula chhai dan tlem kan thailang tawha, tunah a chhunzawmna - Vai nula ngaihzawn tum tak tak chuan kawng hi a awm ve zel ni hmiang ka ti. Vai ramah kum thum dawn kan lo awm ve taa, amaherawhchu, Vai nula in a dera min duh der ve eih pawh ka la hre lo. Kei lahin va duh der tange pawh ka ti lem chuang law! Amaherawh chu tum tum chu ka tum tak tak a ni. kan veng lama kan insawi theihna kha tak tih hlawhtlin a ngai ve tlat.
Tichuan a hmasa ber atan vai nula, kan class- ami chu mitmei pawh hmu hmasa hawt lo chuan kan college Canteen ah chuan ka date ve taa…. Huiham!! Rin lawk ang ngeiin Hindi kha ka thiam vak silo, a ni lahin English kha a lo thiam lutuk vak bawk silo. A hahthlak phian, tichuan kan vawikhat in Date chu kan tling tla ve hrama, tichuan rilruah “Heng Awze hote nen hian chengza tur chu kan ni sia maw leh! Lalpa” kan ti ngawt peka.
HMABAK: Hmabak a ko tan hle! Engtin nge min duh theih ang? Ka insawi thei vak dawn em ni? mahni veng lama kan insawi theih ang kha a theih ve tlat loh. Hun leh nite a liam ve zela, min iai vak lo nge a duh chhe ve hrim hrim ka hre lo, kan han in zui ve ang lawp lawp a, min dem fiamtu thianten vai nula ka han ngaizawng thei kha an awt ve deuh a niang, in sawitheih nan pawh nilo, tem chin ve chak hrim hrim avangin an tum ve sap sapa, ka tum lian em em pakhat chu ka hlawhtling ta phawt. (Heta tem tih hian a kawmkar va dai tihna kher a kawk lo a nia)
KA ZAK TAN: Vai nula ka ngaizawng thei chu a tirah chuan ka hlim khawp mai, zep loah chuan. Khawi ilo kalnaah leh shopping-na velah in zui hun a lo awm lo thei loa, a hmel lam ka zahpui ni lovin, hnamdang a nihna vang a ni.Tichuan zan khat chu ti hian ka ngaihtuah taa, eng vanga in ngaizawng ngawt nge kan nih? Ka Mizo/hnam nihna hi ka hralhphal dawn em ni? nge ka hralh tawh zawk? Kan Mizo hmeichhe thenkhat ten hnam dang ngaihzawng an neih vanga thiam in chan chawp mai nge ka nih? Tiin ka ngaihtuah chhunzawm ta zela, ka muhil thei lawk lo. He thil a thlen avang hian kan tlangmi pui thenkhat te hian Mizo an hmuh danah hian a tha zawngin nge rah a chhuaha a chhe zawngin? Kan hmeichhia thenkhat hetia sawisep an hlawh laia keini MIZO MIPA diktakin kan lo tih ve zel hi a tha dawn em ni? “Ka then tur a ni, ka then ngei tur a ni” tiin thutlukna ka siam taa, mizo hmeichhia hmeltha tak tak, chawn leh tituai nalh tak tak, min duh lo tu an tam zia hisap nauh nauh chungin chumi zan chu a changtupa chu a hnar chhunzawm nghal bawrh bawrha…

3 comments:

Anonymous said...

hmm changtupa cu bei rei lo ve nia tiro,hnamdang cu,hei zo lanu ngei chhai ang chu le

Jerusha said...

I vai nula chu ka ni ang tih ka hlau hle mai - 'test' nan mai mai hian min ngaizawng ang a, an harhchhuak ang a, min ban leh juis ang a, a na dawn e. Vai emaw, Mizo emaw, feelings nei vek kan ni sia :-)

Anonymous said...

hmelthatea hi chu mi then thiam ber khawvel a awm chhun i lo ni reng mai le. Vai nu la lo poh kha tiang a i then an tam em kha ni lo mi dave????

Twitter Delicious Facebook Digg Stumbleupon Favorites More