Saturday, June 18, 2011

First time in Beer Party


Christmas vuakvet lai khan keini thianzaho hi ‘Taksa chetna thlarau’ kan han dawng nasa khawpa, kan hlim khawp maia, chu chetna thlarau chuan lamtual zawl thlengin min han hnuk chhuak a, ka taksa chet vawikhatna ani si, a nuam angreng phian nain, a hrilhhai thlak phian. Mahse chu chetna thlarau chu “Thlarau thianghlim” erawh a ni hauh lo tih erawh chiang takin kan hria. 
Party-a ka vawikhat kalna tur a nia, ka hlim rual rual in ka huphurh angreng, a chhanchu vawikhat mah ka la kal ngai silo, ka zak mai ang tih ka hlau a ni. Mahse, vawikhat pian man-ah reng reng tiin ‘aw’ ka ti ve ta a ni kha.
Vawikhat ka chhass-te lam hi ka hmu tawha, a thiam angreng phiana, lampuite hi a ngai ve awm sia ka ti rauh rauh a. A hmun kan han theng chu Music hi a lo ri dup dup tawh a, a chhung kan han lut chu boruak hi a tang nghal at mai a, a then chu a kawp te te hian an lo su deuh hliau hliau mai a. ka thiante chu luh rualin an han su nghal thei mai a, Beer party an han ti ve tak naa, Beer pangai chauh nilo tam tak a lo awm a, hmeichhia ho pawhin a aia sang tak tak hi an lo dawn far mai.
‘Eheu!!’ ka tia, ka rin lawk ang ngeiin ka zak titih tan ta. Tlem tal kai loh chuan engmah ka ang dawn lo tih ka hria. Kan luh hnu atanga rei vak loah chuan ka thiannu pakhat hian, ‘nang hi ka lampui chak riau che, i zei phian ang, lo kal rawh lam dun ang’ a rawn tia, ka chhass-te ka han mitsira, ka lam ngai lo tih hrereng chungin, a lo khi var var a, ‘lampui rawh’ a lo ti vara. ‘Lo kal rawh’ tih pah chuan ka banah chan a kai titih maia, 'ka thiam lo, ka lam ngai lo...'  pawh ka tih zawh hma chuan ‘ka awihlo, lo kal rawh, lampui ve chak che alom’ tih pah chuan tih takte hian min pawta, kei lah zak lutuk tih hre rengin tih tak te hian ka lo tang ve nasa. A tawpah chuan a mah zawk a zak ang tih ka hlauh avangin a laiah tak chuan kan han in kai chhuak a. Music lah chu a ri dem dem mai a, chu mi rem chuan an taksa leh an ke chu an sawi ani tih ka mitsir chuan chiang takin ka hmu theia. Ka thiannu chuan a taksa chu a shake tan ta, a zei hle a, zei tak a ni. Ka chhuak ve laklawh tawh si, lam ve a ngai si, ka taksa chu kan ti che ve dawna, a khawng tulh hian ka hriaa, ka shake ve thei der lo. Eng ka ang dawn lo tlat mai,.. ka lam thiam lo tak tak tih a han hriat chuan min han pawm deuh ti tiha, ka tihdan ang hian lo ti ve rawh a tia, ka han ti dawn, ka thei ve der lo. Ka awmdan chu a ing euh euh ni ber hian ka hria. A kawngah ka kut pahnih chu ka han dah ve ringawta, ka taksa chu a sir tawn tawn hian athle ve mai mai ni berin ka hria.
Khami zan Party kal kan ni ve sia, ka lo lam thiam reng reng lo kha a lo zahthlak. TV velah hi chuan an lam hi ka hmu ve fo, khami zan nula pawh ka lampui thei lo kha aw….ka zak lutuk a, kha tih hun lai nana kha chuan, khu ral thei chu ni ila chuan ka khu ral chem chem thei hial ang. A hnuah keimahin english hla ka play a, lam kan zir leh hnuhnawh a nih kha, a sira han thlek tawn vel mai mai kha chu, chuti em em in a lo har lem lo. Chuvangin tlem kai deuh hlek loh pawhin Party naah hian a lo lam theih ani tih ka hre ve taa. Nang i ni ve emaw?

(NB: He article hi 2006 Delhi ka thlen thlak hmasa ber a ka thil tawn ni ta in ka hria, ka document leh diary hlui vel ka hai na a ka hmuh, ka han share ve che u a ni. Thil chhuanawm lo tak ni mahse a hun lai kha chuan a nuam ve reuh em a, Pub, Bar, Discotheque tih vel hi ka lawm lem lo, nang eng nge ni, i experience lam te?)

10 comments:

Anonymous said...

A va ngaihnawm mai mai e! Zahthlak duh ngawt ang. Mahse, hmeichhe fel leh fing pangngai chuan an theihnghilh leh vat mai ang.

Party-ah ka la kal ngai lova, vawikhatmah ka la kai lo bawk a. Hetiang lâm hi a mik a mak pawh ka thiam lo a ni. Mi'n min sawm te hian ka hnial fithla thak zel. Chuvangin experience chu ka nei lo khawp mai. Mi lâm en erawh nuam ka ti.

Tunah chuan i thiam tawh ngawt ang. :-)

H.Vangchhia said...

I ziak ngaihnawm hle mai.

1984 khan P & Sons family, Rohlui/Maengi/Rochungnunga te inah kan party. Chumi zan chuan Pu Buangthanga fapa Pu Chawimawia fate, Marin-a leh Mapuia te kha an zu in hmasak na ber ni turin ka tulh ve ve hairehai.

Vanduai thlak takin Mapuia chu a thi tawh a, Marin-a erawh chu Sarawn vengah Tualupa ni tlatin ka hriat chu. Marin-a puitlin dan khi aw ... teh duah chuan.

Hmelthatea David said...

@TS-a chu rin aiin i lo mak daih mai ka ti, vawikhat mah i in ngai lo maw? Infak-der ah min ngai lola,i ngaihsan awm khawp mai, nupui tha tak pawh i hmuh ngei ka beisei, i la nei lo te anih chuan, nge i nei tawh zawk? Zu leh thil dang dang vawikhat mah tilo hi chu an vang viau ang ka ring....
kei pawh Party tih vel hi ka lawm ve lem lo,. kal ve chhunah pawh ka thlir mai zel,ka duh tawk lolss

@Pu HV- a chu i lo dai chikim hle mai, mahse kei 1984 vel-ah chuan khawvel eng ka la hmu lo,. :)

Anonymous said...

In ngai lo ve tlat. Ka la in lo hrim hrim. Nupui ka la nei lo bawk..hehe. Hmanah meizial chu ka zu vak tawh a, kum chanve vel chu, mahse, chu bak ka ti lo. Pak zeuh zeuh pawh ka nei khat khawp mai. Chuan, kuhva hi ka ei ngai lo bawk a. Ei ngai lo thak chu ni lovin!! Ka lawm e.

caribou said...

A ngaihnawm kher mai. Kei pawh hi lam thiam lo berte zing ami ka nih ka ring. Enge maw thil tihpui deuh a awm nikhuaa zan lama grind mup mup kha chu a boruak a danglam bik riau nia.

Hmelthatea David said...

@ Caribou chu kal ve thin ni maw? I sawi dan hmang chu,.. ;) A post inkaihhnawih vang ni chiah lo mahse, zanin pawh lamna hun a awm ngei a, ka lam theihloh a chhuak leh nge, mahse a hma ang em em zawng a nita love, lam ngam thlawt lo a nie, thim deuh reih ruih ah loh chuan. TS a nen chuan kan inthlau hle mai, SUAL hi chu ka khawih chikim ve tawh viau a, mahse ka bansan ve thei mai bawk thin a,.

Anonymous said...

lamna hmun,party etc vela kal ve si lam duh miah lova mi lam en ringawt ho hi an ti awmang lo ka ti thin,enge an kal ve chhan niang aw ka ti ve mai mai thin,kil khatah mi lam dan mawlh lo gossip an ching duh phian lehnghal,ka tihchhan miah lo che nia :-)

Hmelthatea David said...

Party leh lamna hmun ka kal chhan hi chu thiante hmaizah vang leh a tul (eg:thian tha te inthlahna) vang a ni thina, lam thiam tak tak, tleirawl chhe lo tak tak hmuh leh thlir hi chu a nuam viau in ka lo hre mai a, haha3, ka tawng tam lem lo,:)

Maneiha said...

thra dangdai hle mai a

Maneiha said...

thra dangdai hle mai a

Twitter Delicious Facebook Digg Stumbleupon Favorites More