Saturday, August 20, 2011

Ka haw dawn!


Kan ti ve bek bek a, kum 6, 7 a lo ni ve ta reng mai, Zirna sang zawk kan paw chhuak ve dah lawm maw tiin Mizoram chhuah san in Hmun danga kan han awm ve a. Mifate ang erawh pha lo mah ila, mahse a ningkhawng chu kan hmu pha ve hram hram a, Hlawhtlinna kawng zawh harsat zia leh Mi fate hian eng ang chiah hian nge Hna an thawh a, an zir han hmuh hi chuan, mahni-ah duhkhawp lohna a nasa thei khawp mai. An ke chheh kan hmuhpui a, kan ram neih chhuna kan thalai te nen han khaikhin phei chuan Thiamna lamah rual-awh a na duh khawp mai.

Mizo Thalai te hian engtik ah nge ‘Hna thawh’ awmzia hi kan hriatthiam ve ang le aw; tiin duhthu ka sam ve thin a, Eiru tun tun chunga dawhkan a hnathawh aiin dik tak leh fel taka bankhur laih hi a zahawm zawk zia engtik ah nge kan hriatthiam ve ang. Hna thawh peih loh vanga, hna a vรขng kan han ti thla zen te leh hna neilo, a pawl zawnga kan han ding te hi hnam dang te hian min hria ang tih a hlauhawm takzet a ni. Kan khaw hawi zim luat ah sawrkar hna chauh hi em ni ‘hna’ kan tih dawn, Post pakhat za chuang in kan in chuh luih luih a, kan thiam anih chuan khawi hmunah pawh hna thawhsen loh a awm tih hi i ring in i bawhzui ngam ang u, Kan ram zim te chauh beisei lo hian, I chhuahsan ngam ang u! Nge lehkhathiam (a hming chauh) a BA, MA val inti hi Vairengte pel a, buai tur kan tam lutuk zawk. Survival of the fittest tih ringawt kan kalsan a hun tawh, Competitive han san tawh zia te hi aw!! Thiamna leh hmasawnna hi a zuan in a zung tak meuh a ni, Entirnan, College/ institute tha chin a Economics la tur ringawt pawhin 95% hmuh pawh hian beisei tih san ringawt pawh a theih tawh loh. Chutiang bawkin Competitor tha tha an tam lutuk Hna chungchang ah ringawt pawh. A hminga Degree neih ringawt pawh hi a tawk lo, eng emaw ber ah thiam bik (professional) neih loh chuan engmah kan ni chuang lo..Kan khawvel hi mahni khua ah leh Mizoram ah ringawt atawp a nih chuan, dinchhuahna leh hmasawnna chu kan hlat tial tial tihna a ni, beisei ngam chi pawh a ni lo. kan harhchhuah a hun tawh takzet e.

A thupui atang ka va peng thui ta em! A thuhmahrui ah a tawp mai dawn, kuang lo nawr ah min lo ngai lo la, A thupui ah- Mizoram, ka ram, ka pianna, ka seilenna ah ka haw tur hi ka va lawm em! Kumpui linglet takmeuh a, hah thi kul a, ka ram neihchhun tana hreawm ka lo tawrhna te hian, beiseina nung a par chhuah tir dawn ta em ni! Kha chen ka lo chhuahsan tawh che a aw, nang Mizoram, tunah i fa hi min lo lawm dawn lovem ni?

(Ka blog hi hna tul vang leh eng eng emaw a awm vang hian, tun hnu hian ka update tha thei lova, chu mai piah lam ah ka hul ema a, ziah tur ka haihchham em a ni; A dera min hlutpui tute chungah min hriatthiam hram ka ngen e.. Post thar tha tak tak in nei a, han comment tur chuan, kei ngei pawh ka blog ah hian ka lut thei ta meuh lo a, ka comment thei ta lo che u a, pawi ka ti takzet a ni e. Thenkhat tan chuan a ho viau mai thei, mahse! Khawi hmunah pawh awm ila, Mizoram tluk a nuam a awm chuang em ni?. Kar leh mai a haw tur ka nia, engtia rei nge ka awm dawn ka hre lo, ka blog pawh hi ka update tha thei lo mai thei a ni… In ngaihawm dawn mange aw..)

11 comments:

Samuel Putarte said...

A ni ngawt mai. Hna hi enge anih kan hriat fuh hunah chuan kan ram hi kan dingchhuak ngei ang.

caribou said...

Mizoram chhungah kan awm a, blog chu kan update ve tho hi; chutia haw tak mai avanga blog enkawl hman lo tura inngaih ngawt te chu, a tih chi nang. I thu leh hla tel lo chuan kan blog khawvel zimte hi a kim thei tawh lo a nia. Ka han tihluai tak na a, ni e, hun i nei vak lo mai thei, thian kawm, chhungte tlawh kual, ramkal, luikal, NULA RIM, etc a ngai ve dawn tak e.....

Kan tunlai khawvel hi chu kawng engkimah survival of the fittest a ni takzet tawh. Zirlai a sang telin kan pung tual tual, hna in min daih reng reng lo. A thiam filawr tak tak tan lo chuan thih tha nena beih a ngai ta.

I blog-a i thuziak te hi chhiar a kham-awm loh thin khawp mai.

Hmelthatea David said...

@Sangpuii pa, a dik khawp mai, ni e
@Caribou, a tak tak emaw hi kan tipalh ange! lolz Remchan chuan ni e, update theih chuan kan ti ang chu! Ka thuziak fahrah te te min hlut der sak a, ka lawm khawp mai... thuziah tih ah chuan, nangni nena tehkhin chuan beginners mai ka ni e..

dolerich said...

Thomas Moore-a 'Utopia' ai chuan Pu Rokunga Chhawrpial Run hi a nuam zawk daih! Welcome Home!

H.Vangchhia said...

A ngaihnawm in fuihna tha tak ani thei ang. Mahse caribou sawi angin Mizoram haw huna blog update hman tak loh kha, "Mizoram pawna taima, Mizoram haw hnua thatchhia ka ni," tih lam a kawk thei tlat. Han update fo tho rawh khai hairehai

omom said...

ka comment dan tur zawng,zawng in min lo comment khalh....Blog update pawh hnathawh tho chu ani alawm tangkai pui tak,tak hi kan tam ania, IN blog chhiar tute hian,Caribou a comment hi ka tawm tawp mai..!!

Noddy said...

Mahni khaw lam a haw dawn chuan a phurawm khawpin ka ring.

Ni e, kan thiamna neih hi sawrkhar na thawh nan chauh ni lovin mahni kawng indap kuak nan te hian kan thalai te hian hmang thiam se a tha khawp mai. Kan thiam kan finna te hi lo neih nan pawh a tha. Tin, sumdawng tur tan pawh thiamna neih hi a lo pawimawh khawp mai. Hetiang zawnga kan thanharh hi a hun takzet tawhin ka hria.,

marvinic said...

Hna hi a thawk peih tan chuan ava tam tak em...kan rilru hi kan siam a ngai a ni...Mizoram leh a chhunga chengte hian lawm takin kan lo lawm ngei ang che...

Luahpuii said...

Hmelthate ivahan reh rei tawh em! Ka ngai tak2 che. I blog ka hmelhriat atang hian..thu tha tha post zel rawh aw..i blog post hlui tawh te hi kan tangkaipui teh asin.vida..Kan ngai a ce

Anonymous said...

[url=http://www.bagsoneonsale.com/]hermes outlet sale[/url] will want flat additionally open up flesh, this classiness mavens are taking turns skin care products and exercise routines to help you achieve a glowing face almost instantly. associated with tour guides will help you find the proper eye shadows and simply excess hair systems the identical. understand how graceful most recent the way to cut and magnificence hair, nails moreover foundation - why is this pay up a player because of something you can also better your true self? most of us offer you the best and plenty of excellent ways to experience up your own comes with.


[url=http://www.bagstoyousale.com/]cheap hermes outlet[/url] as Kamal is often initiated from Kamal restricted, one most ancient sheet output buildings of Pakistan. that totally Kamal gowns lines are driving by a fresh engineering marketing team which has got waiting-so that you-deterioration in 30 alternate layouts over multi-ply coloration kinds in handheld paper prints not to mention adornments. the product range throughout standard carries georgettes as well as,while undercooked silks when it comes to shimmery touches, digitally branded on top of that stitched cloth material, Used throughout the large t-shirts rrn addition to capri leg protection. price vary from 6000 to assist you 14000 rupees.


[url=http://www.bagsforyousale.com/]hermes birkin handbags[/url] The jail gripe put together no reference to the diamond jewelry, plus it keeps blurry exactly that they're. Rigby cited he dreams the Mastros obtain kids the moment give out of spain.

Yakinican said...

I love reading your posts. Keep up the great work! You understand, many persons are hunting around for this information, you could aid them greatly.

Twitter Delicious Facebook Digg Stumbleupon Favorites More