Blogger Template Design dan!

Blogger Template design dan ka han ti ve ringawta, a thiam ta ber ang ziazang in, Chhiar tuten min lo hrethiam hram se. Mizo blog nei hi kan tam ve ta hle a, hmasawnna leh changkanna rahbi pawimawh tak a ni pawh ti ila, kan sawisual tam pui awm love. 'A template leh a lan mawi dan mai mai aiin a chhunga thu te hian a ti hlu zawk' kan ti mai thei. Mahse a chhiartu lam leh lo tlawh thintute hian kan va lenna nawm leh nawm loh chu kan hre ve tho awm e. Template-a HTML editing ngai te hi tam zawk chuan kan hrethiam lo mai theia, a awm tho e. Keipawh ka zir chuang lo naa, mahse an siam sa atanga tlem han bih peih ve deuh hi chuan an siam tawh sa nana chu kan hrethiam ve mai zel e. Thuhmahruai a sei dawn tlat mai, rek bung mai teh ang.

Heta template ka tarlan te hi a bul thut atanga ka siam anilova, ka compile and edited chawp ve tho ania, download tur chu a tam khawp mai. Tam tak chuan blogger in a chhawmsa leh a basic tak tak default a awm hi kan hmang tam zawk niin  a langa, mahse a huang tlem kan zauh deuh a niang chu! A awlsam dan leh a mawl thei ang berin sawi mai ila, thuhmahruai pahnihna pawh rek bung leh mai ang (thuhmahruai pahnih a awm! hahaha a tam viau lo mai thei; Post pakhat-ah. haha ). 

He post a, Blog template ka lakna ber chu hei hi ania, he website ah hian a tha hlawm khawp mai, ka hmanlai ngei pawh heta tanga ka lakna a ni. He site atang hian download tur tam tak a awm a, a hman nghal theih bawk ani. Hemi base hian han sawi mai ila. Mahse tlem azawng edit loh chuan i blog chu a hmuhnawm letling viau mai thei ani. I download file ah khan Tips leh How to chu a awm (mai thei)anga, mahse Mizo tawngin han ti ve reng reng teh ang. In duh anga ka sawifiah thiam lo anih chuan ka theihtawk ah min lo ngaihsak mai dawn nia.


A thupui ah:

1. Website ka tarlan atang khian Template chu download la (a eng pawh), XML file version ani ang.

2. Template thar i thlak hma in, i blog-a template (html code) ho kha back up hmasa phawt rawh. Eg: Dashboard> design> Edit HTML> html file ho kha copy la, Desktop ah emaw notepad file ah save rawh. A buai palh takin copy paste leh mai tur. A tihdan dang: Setting>Basic ah kal la, export blog atang pawhin a theih. Export blog kha click la, save na tur a rawn awm ang (i duhna berah Folder/ drive ah save rawh). XML file tho ani ang. Lo buai palh se, i upload leh thei ang, a hmaa mi ang chiah khan.

3. XML file download sa kha, i upload anga, hetiang hian Dashboard> design> Edit HTML> ah kal la, choose file ah khan i XML download sa/ file kha select la, chuan Upload ah khan click la, chuan a zo. Heti pawh hian a awlsam khawp mai, i XML file a, html kha notepad ah open la, copy la, edit html option ah khan paste tawp mai tur.

4. Save la, han preview chhin teh. Siam that ngai tam tak a awm, ka hria. Widget leh Page Element kha chu a ngai angin, a siam theih reng a ni.

A pawimawh zual pui te: 

1. Templates tam zawk ah hian (a chunga link ka dahna ah khian), slideshow ang deuh a awm thina (blog page ati nalh lehzual), duh chuan a hman loh theih bawk. I download file folder ah khan, default file leh, without slider tih file a awm ang. I hman duh duh ani mai.
2. I html kha siam danglam angai ta, setting> edit html tang hian a edit theih a, notepad atang pawh in a theih tho.
3. A tan tir: Favicon dah dan ka sawi tawh a, sawi ngai loah dah mai ila.
4. A hnuia red color-a rin bial sen te te link dah hi, manual a tih a ngai.

5. I html code edit lai ah khan hei hi zawng la,
"<li><a expr:href='data:blog.homepageUrl'>Home</a></li>", " " tello hian. A awlsam nan short-cut  (ctrl+f). A dawta a landan pawh hetiang hian ani ang. Fimkhur hle a ngai, entirnan, /> emaw </a> angte hi lo ziak sual palh ta ila emaw lo ziah hmaih palh ta ila, a buai nuaih anga, a save theih loh anga, a hman theih bawk loang.

A chunga a lan ang hian, 1-na khi Tab-a Thupui pakhat zel ang a nia, 2-na khi i post-a a link a nia, 3-na khi Post thupui (a lan dan tur) ang zel ani, i duh zat zat i siam thei, hetiang hian: <li><a href='i thu post link'>a landan tur</a>. Chutiang zelin, a sub child categoty ah pawh, chutiang zelin.

6. Tunah chuan a slideshow/ content slider edit dan: Content slider tih chu Web Home page a kan luh a, front page-a thlalak indawt tetea lo inthlakdanglam leh lo lang thin kha ani a; I duh chuan i dah thei a, i dah lo thei bawk. A chungah a tihdan ka tarlang tawh.

A chunga a landan ang hi han en teh, Red color khi slideshow main page (awmna bik) chu ania; Blue khi post topic; yellow hi post summary; white hi read me tih ang deuh ania, mouse khan han point la, a lo lang ang, i click chuan, i blog a i thu post (link) ah khan a kal nghal ang. A link neuh neuh i duh lova, thlalak chauh lang tura i duh anih pawhin, a theih tho, dah blank vek mai rawh; anih loh pawhin delete mai rawh, mahse fimkhur viau ang che.

7. Edit html ah kir leh ila, kan edit dawn chuan, hei hi zawng la,
"<!-- Featured Content Slider Started -->"  ("" tello hian)

A chunga thlalak lan dan ang hi han thlir ila, a no ka pek ang diat diat ang hian edit tur ani. 1-na hi Post title, 2-na thlalak (image url), 3-na i thu direct post link, 4-na Post summary (i thuziah chanchin tlem; a tha bik lai?. Thui lutuk lo, tawi lutuk lo, a inmil chiah chiah tur emaw?). Edit tur ka tihna lai te te ah hian duh duh chhut tawh mai tur. Thlalak tarlan ah hian a size bik a awm mai thei, te lutuk emaw, lian lutuk emaw anih chuan a frame ah hian ain fit lovin emaw a buai thei tih erawh kan hriat tel a tha ang.

He thil template bik hman a thatna chu, kan thu post reng reng a zavai a page khat a, a lan vek chuan a nalh chiah thin lova, post 3, 5 vel dah duh phei chuan scroll thak char char angai thin a, tin a buaithlak deuh thin bawk. Read more tih awm hian ati zia viau a, post 10 pawh lo dah ta ila, a lang thui lem lo. Chuvang chuan ka Unau, kan Blog hi Upgrade a hun ta,.. :)

Tun atan chuan tawk mai teh se! Nueh neuh leh adang dang chu a tam viau a, mahse a thui lutuk dawn, kan chhiar peih leh awm siloa,..

Ka lawm e!

Read more »

Trek trek: Fake seal siam dan

Vawkhniakzawn thla kan lo thleng leh ta reng mai. He thil hi ka rilru ah a lo lut a, Hmanni ah Caribou in i blog in Century a tlinna a ni maw? tiin ka thuziah pakhat-ah a rawn komen a, ka ngaihtuah a, a hmingin kum nga (5) lai ka lo blog ve ta. Mahse Archive hlui lam han keu chuan engmah tihtlak phei chu a awm chuang lova, Kum 2007 khan thianten an siama, misual.com ka luh tantirh vel ania, a hming in ka siam vea, Post 17 a vawikhat kum ah, 2008 ah Post 1, 2009 ah Post engzat mah, 2010 ah Post 1 bawk, 2011 ah thlakhat pakhat zel deuh thaw, thla hmasa ah post 18, ani ve ta. A va hoin Ram hnuk khawih a va nilo teh lul em!

Fake seal siam dan: Ahmasa lamah fake document leh watermark siam dan tlem ka lo tar lang a, tunah chuan seal siam dan tlem azawng ka han tarlang leh ange. Tunah chuan software atanga siam dan chauh sawi ila, Ms Office a siam dan pawh lo beisei turah ngai ila. A hmasa berah hetah hian download la, 453 kb chauh ani e. Install la, I duh anga i siam hnuah entirnan; a tawpa a landan tur chu, hei..

Option atanga a landan hian kan hriat vek chu ka ring, mahse tlem chipchiar deuh in ka han thailang ve leh ange. Top lines leh button line ah khan i duh chu chhu la, a hnuaiah nen. Chumi hnuah Lines setting, center of the seal, the shape, edit and create nen. Aaaa.. tawk mai teh se. A tawpa a lan dan chu hetiang ang hi ani. Mahse, he software hi Demo version ani a, full version ah chuan a save theih a, chuan awlsam takin ms office ah pawh a hman theih nghal in a print theih nghal bawk. Mahse he software hi i lei a ngai tlat mai, internet atang chuan free/hack/crack full version chu download tur i hmu kher lovang (mai thei). Mahse kei chun Full Version ka rin ran mai a, lolz

Tlem a zawng hei,...

Thildang deuh: Trek Trek ve tho, TES NewEnergy Japan chuan USB Mobile phone charger, Electric hman ngailo an siam chhuak nia mawle. He thil hian electric hman ngai lovin, a lem ang hian meialh emaw tui bela chhuan so chakna hmangin mobile phone charge theih ani ta. Pan Charger tia vuah hian radio leh hmeh-en (lantern) a chhawm tel nghal a, tui so emaw meialh hmang hian electric chakna a siam chhuak a, darkar 3-4 velah mp3 player, cell phone, etc charge zawh theih ani ta. Mahse $ 299 (Rs. 13455/-) man lek a ni (hahahaha). Kenya ah chuan Cycle hi mobile phone charge nan an hmang bawk. Chhiarzawn duh tan hetah a chhiar theih e

Hetiang Key Board hi in hman peih zawng ani ange maw? He keyboard hi Argentinian designer Ignacio Pilotto siam niin QWERTY keyboard pangai ang tho chu niin; a alphabet tin hi tunlai branded Logos ang hian thlak vek (replace) vek a ni. Entirnan G hi Google tih hian a anga, chutiang zelin Y in YouTube,. heng ho hi an thlakna te chu ani, "Adidas, Burger King, Coca Cola, Disney, eBay, Facebook, Google, HP, Intel, J&B, Kodak, Lacoste, McDonald's, Nike, O2, Pepsi, Quaker, Rolling Stone, Shell, Twitter, Unilever, Virgin, WordPress, Xerox, YouTube and Zippo."

Ka lawm e!

Read more »

Mobile Themes siam dan!

Mobile themes hi chu kan hre vek ang, mahse engtin nge mahni duh dana awlsam te siam dan erawh kan hre vek kher lo mai thei. A software chu a awm ngei ang ka ring, mahse hetah, online atang hian siam a awl in, option a tam mai bak ah, duhthlanna zau tak min siamsak tel bawk a ni.

Hetah hian i lut anga, i duh zawng chu i siam thei mai tawh e. Tutorial ang deuh in vawikhat ka siam dan hetiang hian a ni e.

1. I mobile (model) thlang hmasa ber la

2. A default chu hetiang ang hian ani a,

 3. A hnuaia a landan ang khian, option chi hrang hrang, engtirnan,  a wallpaper tur, a background tur, etc kha i computer a mi kha, i upload anga, (nangmah thlalak ngei emaw, net atanga i download emaw, eng ang thlalak pawh).

4. Han ziahbelh vak pawh ngai tawh lo niin ka hria. A themes ka siam ve hi lo en duh leh lo test chhin duh tan tlem azawng ka dah ve a, mahse a theih kher lo mai thei. Mobile site atanga download dan pangai-in ka upload hman silo a, remchang hmasa ber ah tih chhuah ka rawn tum dawn nia.

5. A screenshot leh background then khat,...

6. Tech Savvy emaw beginner emaw, tu emaw tal in kan tangkaipui anih chuan ka kut hah man ah ka lawm e, tih ka duh tawk. Hahahaha :)

Ka lawm e

Read more »

A tha ve riau!

He Website hi Internet kawngsira ka chhar a nia, a tha reuh riau mai, mahni chauh a hriat-ah chuan ka ui ve sia, thlalak editing lam tui tan leh tui vak lo tan pawha awlsam tea, nalh taka in chhuah dan ani mai, ka sawifiah thiam vak lo. Mi te angin  Photoshop, Corel draw, leh eng eng emaw zir sang kan ni ve bawk silo. ka rawn share ve che u ani e. Thlalak tlem azawng, ka siam pawh ka han tarlang tel nghal e,..

Han Edit kual vak ngailo hian, i thlalak kha i upload anga, i duh ang zawngin i Select naah khan a lo lang mai dawn a ni.



Thlalak post ka siam hmasak ber a nie, tlawh ve ngei ngei chi a nie, option a tam khawp mai.
I intithei in hmain tawk mai se, hei lo dang pawh tha tak a awm,.. Engangin han nih tum ve mah ila, kaha se ani ringawt, milar leh mite ngaihsan nih hi. Lung ngai duh lem suh! hei awlsam te-a Celebrity nih theihna kawng khat, kawngkhat chiah a awm, chu chu helai ah hian a ni e, hahaha
                                                         





















                                                              TREK TREK TLEM

      PDF hi thuziah leh eng eng emaw ah leh Office thil ah hian a tangkai thei viau thin a. Entirnan, Ms Office ah thu kan han ziak a, a thenin Ms Office 2003 la hmang duh tlat kan awm laiin, 2007 emaw 2010 emaw hmang kan awm bawk a, Computer danga han hman hian a format, size leh layout te hi edit leh fe an ngai thin a, thenkhat ah Adobe reader leh a dang dang neilo te kan awm thin avang hian Internet atanga awlsam te hman mai theih dan tlem azawng han sawi ila. Hemi email ah hian pdf@koolwire.com i thil thawn duh chu a Attachment ang in thawn la, reilo teah i file duh kha awlsam takin PDF ah a rawn in convert anga, a zo. 

       Tin PDF (han sawi zawm mai ila) file ah tho hian, software dang dang leh, online leh internet hmang lova, awlsam te a siam dan a awm bawk.  Office 2007 emaw 2010 emaw hmang tur-ah han in beisei leh ila, i thil data, project, a eng emaw ber pawh nise, 'save as' ah khan kal la, option chi hrang hrang a lo awm ang. Khami zing ami pdf tih kha click keuh mai rawh, a zo leh ta!

Ka lawm e

Read more »

Blog-a Favicon dah dan

Eng nge ni Favicon chu? Favicon chu ‘favorite icon’ tihna mai a nia, Bookmark list, leh browser kil sira, kan duh thlalak emaw icon emaw lo lang hi a ni maia, Avatar nen inang chiah lo mahse, an inzul hle. 16 pixels by 16 pixels icon - a ni tur ania, file extension chu .ico (eg: word document chu .docx; thlalak chu .png) a ni bawk tur ani. He website atang hian awlsam tein a siam theih, http://www.iconj.com/favicon_hosting.php atang hian. 

A hnuai ami ang hi favicon chu a ni e. 

1. A chunga ka sawi tak ang hian i picture chu upload la, i generate anga, chuan desktop ah download/ save rawh. 

2.A link pawh kha save a ngai ang, hetiang hian,

3. I blog Dashboard ah khan i kal dawn nia, hetiang hian

4. Edit HTML ah khan kal la, hei hi i zawng dawn nia. a awlsam nan (ctrl+f)

<head>and</head>tags. A hnua ami ang hian i copy anga, </head> chung chiah ah i paste dawn nia. Amaherawh chu; (" ") chhung zel ami hi edit angai tihna a ni, eg. a pek dan atang hian. A awlsam dan ber chu , i generate tawh a link kha copy paste mai rawh.

<link rel="shortcut icon" href="/favicon.ico" type="image/x-icon" />

5. Ti chuan Save Template la, a zo a ni mai. I blog kha han hawng la, hetiang ang hian a lo lang tawh ang

 

ka lawm e!

Read more »

Fake Document siam dan!

Ka ziak angem aw? tiin vawi tam ka ngaihtuaha, thlohpui rorel ang chiah nilo mahse, vawi tam ka ngaihtuah a, ka ngam chiah lo. Thil hote nimahse, a hlauhawm tih ka hria a, Sawrkar hna leh eng eng emaw-ah hman phei chuan Jail tan ka duh miah lo ania, ka hmingte in lo sawi reu reu anga, hahaha (fiamthu) Heta ka ziah hi a taka hmanga buaina a awm chuan a mawh erawh ka phur lovang. Hriat ve mai mai tur atana ka ziah a nia, a duh chuan lo hmang ve mai ula, hna tenau leh eng eng maw thil a mamawhna a awm chuan a tangkai ve thin tho. Mahse Fake document hman hi a zahthlak a, tin, a changkang lo bawk. Eng ang Certificate tha pawh nei ila, keimahni kan qualify chuan loh chuan engmah a nilo. Tin, a hmaa ka tarlan tawh ang khan MS Office hi ka la zir chin loa, a mawl dan ang angin, hriat awlsam nan han sawi ila,.. A tawpa a landan tur chu hei,...  

Tun atan chuan Education marksheet-a watermark (a icon/image) dah dan awlsamte sawi ila, Ms office 2010 atang sawi mai ang, a tam zawk chuan kan hman tho ka ring, 2007 nen a inthlau lem lo niin ka hria.

1. Open la, ms word chu (hahaha). Page layout chu i duh dan hmang mai la, mahse Landscape hi marksheet atan chuan a tha. 

2. Page layout ah  khan kal la, watermark option a awm ang, Custom Watermark kha click rawh.

3. Picture watermark ah khan kal leh la, select picture ah kal rawh. I desktop a icon (i save tur-ah ngai ang) kha select la, Scale leh washout kha chu nangma duh dan angin ni mai se. A colour pawh siam thiam turah in ngai ila (eg: a hring) a zo der, pakhat phawt. Hetiang hian alo lang ang. Engkim i chhu thei tawh, a khawi ah pawh. 

Marksheet-a watermark (a text) siam dan, a buaithlak deuh naa, ka thiam ve dan ani, lols

1. A hmaa sawi ang khian watermark option ah khan, text watermark kha thlang la,

2. Text tih-ah khan, hei hi type la, UNIVERSITY OF HO MAI MAI COLLEGE, (a eng pawh)

3. A kar awl ah space pahnih zel hmang in copy paste phei teuh rawh

4. Size, colour, font kha i duh dan hmang mai la, mahse, Horizontal tih erawh theihnghilh suh.

5. A hnuai-a image ang hian a watermark kha a lai (middle) ah a awm ang

6. Windows 7 hmang turah inngai leh phawt ila, a word lai tak kha, capture/ screenshot la, (shortcut- wins+s), a theih loh anih chuan, Ms OneNote kha hawng la, a theih tawh ang.(a awlsam ber)

7. I capture lak kha, onenote atang khan copy la, Office ah khan paste thla teuh mai rawh, lo arrange la, hetiang hian.

8. I ms word kha langkim thei vekin siam la, chuan a page, i siam zawh kha a screen capture leh rawh.

9. Save la, chuan a tihdan pakhat-na, a hmasa lam ang hian i image siam zawh chiah kha, watermark pangai ang in i file ah khan watermark keuh leh la,a lo lang tawh eng. hetiang hian.

10. Siam neuh neuh chuan a chungber ami ang khian a lo chhuak mai ang,lolzzzz

A pahnih hian page khat-ah a hman theih a, double print out tawh mai tur. A hmasa zawk leh hnung zawk erawh i thu ani tawh. Mahse, hei bak-ah hian Seal leh Stamp siam ngai erawh ala awm. Dawr pangai-ah Govt seal tak tak chu Bribe pawh ni ila, siam a har mai thei a, Photoshop, Pagemaker tello pawhin awlsam takin ms office atang hian a siam theih bawk. Hei lo neuh neuh dangte pawh a awma, chu erawh ni dangah ni mai se,.

Ka lawm e!

Read more »

Mobile Game/App screen resolution thlak leh siam dan

      Mizo te hi kan changkang chakin hma kan sawn nasa ngawt mai, mobile phone kan hmelhriatna pawh hmanni deuh lawk kha a ni mai. Tunah chuan a te ber atanga a lian ber, engmah thawk lo, chawmhlawm atangin Hna sang tak tak chelh ten kan hum ta fer fur mai. ‘Mak’ kan tih thin kha tunah zet chuan ‘thil mak’ ani tawh lo mai nilovin, kan nei deuh vek ti ila kan sawisual tam pui awm love. Aaa! Thuhmahruai teh duah sawi lovin, a thupui-ah lut nghal mai teh ang.

    Mobiles games kan hria, Application leh Utilities kan hre bawk. Chutiang bawkin kan mobile phone hman hi a screen resolution hi a chi hrang hrang ani tih kan hre bawk. Mamawh leh tangkai tak tak kan phone hman nena in mil lo a tam a, kan duh ve si, kan thiam silo, awlsam tea siam leh hman dan han zir dawn teh ang.

     A tam zawk ina kan hman games/app hi Jar file ani tlangpui a, thenkhat Jad file a awm bawk. Kan siam danglam duh, kan games/app kha Desktop ah (a awlsam nan) han dah la. 

Chipchiar tak leh a mawl thei ang berin ka sawi mai ang, hei le:

1. WinRar han hawng la, kan nei vek tur-ah ngai teh ang.

2. META-INF tih folder I hmu ang. A folder kha click la

5. A folder chhungah khan MANIFESR.MF file tih a awm leh ang, kha file kha I desktop ah drag thla rawh,

6. MANIFESR.MF chu open la (emaw Open with), notepad in open rawh

7.  Nokia-MIDlet-Oroginal-Display-Size:www,xxx

    Nokia-MIDlet-Target-Display-Size: yyy,zzz     tih hi copy la, i notepad tawp berah paste rawh,

8. Heta www,xxx -lai hi i target resolution a nia, chiang taka I hriat a ngai. Eg: 240,320

9. Heta yyy,zzz -erawh nangma mobile screen resolution i siam danglam tur ani. Eg: 176,220

10. I duhdan resolution chu thlak la, (overwrite), Save la, Winrar i hawnlai ah khan drag thla leh rawh, Hei hi a pawimawh; I lakna, angai ah chiah chiah khan drag/save leh rawh. Chuan I winrar kha save leh rawh.

11. I mobile ah install la, emaw copy paste la i mobile phone-ah khan, chuan a zo, A khel/hman theih tawh e.

12. Hetia kal duah lo hian awlsam tein a tih theih bawk:

       S60 Jar Resizer Download la, install la, instruction I follow anga, a zo ni mai.

Ka lawm e 

Read more »

Blog Mobile Phone atang-in aw!

Thuhmahruai: leh Trek trek (Blog Categories )behchhan-in A ho i ti viau mai thei, Software thar miin a tha an ti a, kan nei vea, kan hmang thiam lem loa, OS thar ka install kan ti, duh angin kan hmang thiam leh chuang lo, etc etc Chutiang bawkin Computer tha kan duh ti chungin a man to leh tunlai chhuak thar ber ber leh Laptop (notebook) kan awt a, nei lo chung chungin kan leia, enga tan nge ka mamawh? Enga tan chiah nge ka hna thawhna nen hian inmil ang, games khelh nan nge, Desktop Publishing lam atan nge, Developers tan nge, Prodramming, Designing, Monitoring atan, etc  tih pawh thlu lovin kan han lei ve ringawt thin. Hemi Company hi a tha, hetiang hi lei rawh tih lam chu nakin lama ziah ah khek hrih ila. Nitin thlatin, Electronics leh Technology thil-ah leh engkim-ah hian SIAM CHHUAH THAR hi a awm reng, chumi dungzui chuan Up-to-date te pawha chhuah chhunzawm han beisei bawk ila. Kan nitin nuna kan hman leh kan hman tlanglawn ber hei aia tha hian engtin nge ka hman theih leh kan chhawr zawk ang tih behchhan in tlem a zawng ka han thai lang ve a nge. Tunah hrih chuan a bulthum atangin bei dawn teh ang. 'Hriat hnu vek' ti thei kan tam zawk ang, he thuziak chhiartu te zingah hian,.. mahse,..

       Computer lama zir sang ka ni lova, Computer lama Master Degree la ka ni hek lo. Computer ka hmelhriatna pawh a rei lem lo. Amaherawhchu; til thenna erawh a dang, MS Paint ah leh engtin nge Internet Browser hi an hawn, eng nge MIRC hi ti ringawta, Cafe neitute ka auh buai chhen na pawh kum nga kum ruk kal ta lek kha a ni. A la rei lem lo. Tunah zawng khawvel in kan duh emaw duh lo emaw changkanna tukverh ah min dahtir a, survive duh chuan 'eng emaw tal thiam a ngai' tih hrilh nawn chhen erawh ka ngai lo hlauh, ka vanneihna a kaltluang zel hrih ah ka ngai mai teh ang. (uangpui chang lo se.)
Thupui:
                               READ YOUR BLOG ON MOBILE PHONE COMPATIBLE
Mizo zingah hian, heng Social networking site kan tih, hi5, facebook, twitter, orkut etc etc leh Blog kan tih te hi hmang kan tam ve tawh hle a. A bikin blog hi sawi ila; tam tak hi mobile atanga chhiar dawn hian website dang ang lo takin a chum bung nuaih thin a, chuvang chuan tunah tlem a zawng, awlsam tea kan hriatthiam theih turin leh mobile atanga chhiar nuam taka kan hman theih nan tlem azawng i han ziak dawn chin teh ang. Tih dan pahnih a awm, hei hi a pakhat-na ni nghal mai se!
A hmasa ber atan i blogger dashboard > Design > Edit HTML tih ah khan click rawh, (He thil i tih hma hian, nangma HTML file zawng zawng kha Back-up hmasa la, entir nan notepad ah save mai rawh, a buai palh a nih chuan copy- paste leh mai tur)

Chuan hei hi zawng rawh (Cltr+f)

<b:include data='blog' name='all-head-content'/>

Chuan hemi zawh ah hian, a chunga mi hmaah chiah hian a hnuaia mi hi copy la, paste leh rawh.

<meta content='IE=EmulateIE7' http-equiv='X-UA-Compatible'/>

<b:if cond='data:blog.isMobile'>

<meta content='width=device-width,minimum-scale=1.0,maximum-scale=1.0' name='viewport'/>

<b:else/>

<meta content='width=1100' name='viewport'/>

</b:if>

Save template kha click leh la, a zo a ni der mai, mobile atangin chhiar nuam takin i lut thei tawh e.

A pahnih-na atan; A tam zawk chuan kan hre tawh mai thei,.

I bloger Dashboard ah tho kal leh rawh > chuan Settings ah > Email & mobile >


A chung Box sen a tarlan bik lai, 'Yes, On mobile devices, show the mobile version of my remplate' tih kha thlang la, i duh chuan MOBILE PREVIEW khi a test nan hawng chhin la, entir nan hetiang ang hian a lo lang ang.

A hnuai ber a, SAVE SETTINGS ah hian Save la, a zo ani mai.

NB: Hei hi Blogger Layout Template hmangte tan chuan a theih deuh vek ang, Blogger template Designer thenkhat, Official niloa, Template dang lo siam hote Blog thenkhat ah chuan a theih vek kher lo ang. Ka blog pawh hian a support lo, thiante ta-ah chuan a theih deuh vek thung.
Tun atan chuan hei chauh hi ni hrih mai sela.

Read more »

Computer Games hi!

        Games ringawt kan atchilh lai te kha a ngaihawm ta hle mai, ta hle mai ka han ti ringawta, zep miah loh chuan tun thleng hian hun ka neih chuan ka la khel fo, ka sim tak tak thei lo ni berin a lang. Super Mario tangin kan han tana, Pocket Tank te, leh Nintendo, kungfut, etc chi hrang hrang. PlayStation 2, X box 360, hi ka khelh ngai vak loh (leh ka neih loh vang) avangin sawi tam lo mai ila, mahse Assasin Creed te leh Fifa 2010 te kha rei lote chu ka khel ve tawha, a nuam ve khawp mai, games chi hrang hrang han khelh lawr tak duah hnu ah hi chuan Strategy games ah ka bur ta chawt ti ila, ka sawisual tam pui awm love.

        Midang ho khan eng eng games nge in khelh ve thin?. A hnuaia games ka rawn tarlan te hi chu Real Time Strategy ka thlah hleihtheih loh an ni, hun ka neih chuan ka khel ve ziah thin. ‘Games te chu a hun awl neih thlak em mai, emaw games lo la buaipui te chu a’ titu te hian an khelh thiam loh vang leh an tuipui chi anih loh vang pakhat chu a ni ta ve ang.

1. Age of Empires III : Asian Dynasty & The Warchief (expansion pack)

He games hi chu khelh a nuam thlawt, He games siamtu chu Microsoft Corporation’s Ensemble Studios niin October 18, 2005 khan release a nia, a hit cher cher khawp mai. May thla 2008 khan copy 2 million hralh zawh a ni. A hnu ah expansion pack pawh siam belh niin The Warchief chu October 17, 2006 khan release leh niin expansion pack tho The Asian Dynasty chu October 23, 2007 khan release leh ani.

Award pawh a hmu tam kher mai. vawi tam tak ka khel chhuak. He games ah hian Civilization chi hrang hrang, special ability, nei te leh Unit te ber atang Advanced tak tak siam niin, resource laka, chumi hmanga, Barrack, War Factory te siama, ram hrang hrang sipai te leh canon te siam chhuaha, ral va do kha a ni mai. AOE II kan atchilh lai kha a ngaihawm ta hle mai, AOE II khel thin ho te khan he games hi chu in tuipui loh ka ring lo khawp mai. A chunga ka han sawi tak AOE III bakah hian Asian Dynasty leh The Warchief expansion pack a awm bawka, han khel chin chiah teh u, in inchhir lo viau ang ka ring.

2. Red Alert 2: & Red Alert 2 Yuri Revenge (expansion pack)
Hei pawh hi ka tleivar pui thin a hun lai kha chuan, ka games khelh hmasak ber pawl niin ka hria. kum 2000 lam ami daih a ni tawh naa, an la khelh tam pawl chu a ni pha tho mai. Westwood Studios, Inc siam niin October 23, 2000 khan an release a, A hun laia an release khan hetiang game level ah hi chuan changkang ber pawl a ni, kan ti thei ang, a nawmna pakhat chu cheat code a awmlo hi ani, mahse engkim hi Internet zarah a theih ta deuh vek mai.

Kan google keuha, (rules.ini) file download keuh ila, engkim source code kan hmuh theih bakah engkim, units, structure, mahniin a edit theih a, nuam hawr hawr tak chu ani. hei bakah hian Yuri Revenge (expansion pack) hi release leh a ni bawk, Command & Conquer series mi niin, July 2010 khan khawvel pumah 30 million copies hralh chhuah a ni.

3. Command & Conquer 3; Tiberium Wars & Kean’s Wrath (expansion pack)
Hei pawh hi pui riap riap tak ani, aa! Han sawi zau vak pawh ka thiam lova, hmangaihna ang hi ni mai, a taka bihchhian a fiah chi ani. In in chhiar lo viau ang, Hetiang strategy games hi a heavy a, mahse its worth playing,.. Ka system ah ka installa, ka khel tluang a, mahse a hnua ka OS ka install that leh hnu hian ka install tha leha, mahse rei vak loah error a rawn awm ziah, thiante PC ah chuan a theih reng. A chunga Red Alert 3 ang deuh khi a ni mai, Heng ka rawn sawi te hi Command and Conquer series a mi an ni deuh hlawm.

4. Red Alert 3; Red Alert 3 Uprising

Red Alert 3 hi chu pui hem hem tak ani. EA Los Angeles developed niin Electronics Arts in October 28, 2008 khan an release a, a expansion pack Red Alert 3- Uprising hi March 2009 khan an release leh ani. Graphic details a sanga, a tak tak ang chiah a ni mai.

An technology a sangin, An silai, weapons leh an khawl thil reng reng hi a advanced khawp mai. Real time strategy a nia, game play chu “Devide and Rules” a ni mai, a ruh no no chhuak ah tih policy (han ti ve khanglang ila) kha ania, Units te, tank te, leh khawl tha pui pui siam chhuaha, ram va lak leh awhbeh kha ani a, Super Power, nuclear plant/ nuke te leh Chronosphere, Rocket, etc te siam theih a nia, a pui khawp mai.

Allied leh Soviet (II World War), China/ Japan (?) The rising Sun (history) indona tak tak behchhana siam a nia, Strategy ngaina tan chuan ‘Ngei ngei’ a ni tawp, in inchhir lo viau ang. A thatna em em leh khelh nawmna ber (nia ka hriat) chu Cheat Code a awm lo hi a ni. He games hi chu Hit cher cher tak a ni, Game Star Rated pawh a sang khawp mai, “In 2007 more than 25 million copied have been sold between all the games of the franchise, at the middle of 2009 there were more than 30 million copies sold”.

Hetiang khawpa an hralh theih bakah hian Internet Piracy khawvel ah hian engzat tak luangral ang maw? A khelh nawm leh nawm loh tur chu lo chhut ve tawh mai rawh! 

5. Warcraft III : The Frozen Throne & Reign of Chaos

Hei zet hi chu Lar hem hem tak ani, Strategy khel thin ho chuan in hriatloh ka ring lo. Chinese gamer pakhat pawhin a atchilha, chaw eina chang pawh hre lo leh mut hun pawh hre lo khawp in a khel tui lutuka, a thih phah ta ani, an ti. 

July 3, 2002 khan Region of Chaos hi release niin, he siamtu chu Blizzard Entertainment tho a nia “The game proved to be one of the most anticipated and popular computer game releases ever, with 4.5 million units shipped to retail stores and over one million units sold within a month. Warcraft III won many awards including “Game of the Year” from more than six different publications” A expansion pack The Frozen Throne hi July 1, 2003 ah release leh ani. Tun hun thleng hian a la lara, (k)an la khel ning thei lo.

6. Need For Speed Series

A tam zawk chuan he games hi in hmelhriat loh ka ring lo, Moto GP tiamin, a nawl pui hi chuan an khel deuh vek hian a ni ka rin ni, Most Wanted ka khel ve thin. Hetah pawh hian Cheat Code a awm loa, (except unlock one car or something), khelh ngai loh chuan har ve tak a ni, mahse ‘game save sa’ han google a, han download keuh chuan engkim a in unlocka, a khelh theih ta vek mai, thanks for the gamers out there!

A series hi atam khawpa, kan ziak chhuak ve mai mai ange, an release indawtin, The Need for Speed, Need for Speed II, Need for Speed III: Hot Putsuit, Need for Speed: High Stakes, Need for Speed: Porsche Unleashed, Need for Speed: Hot Pursuit 2, Need for Speed: Underground, Need for Speed: Underground 2, Need for Speed: Underground Rivals, Need for Speed: Most Wanted, Need for Speed: Carbon, Need for Speed: ProStreet, Need for Speed: Undercover, Need for Speed: Shift, Need for Speed: Nitro, Need for Speed: World, Need for Speed: Nitro-X, Need for Speed: Hot Pursuit (2010), Shift 2: Unleashed te an ni. 

           NB: Hei bakah hian games chi hrang hrang, khelh nuam tak tak, entir nan, Command and Conquer 4 (ka nei lo, ka khel chak khawp mai)Age of Mythology, Rise of Nation, Far cry, Call of Duty 4, Fifa 11, Unreal Tournament, Diablo 2, GTA, leh games tenau chi hrang hrang tam tak a awma, hei aia chipchiar zawk leh fun kim zawka han ziah ka duh nain tuna tan chuan tawk phawt hrih mai rawh se,.

            Tin Games kan khelh tam zawk hi, a original chu in lei ka ring bik lo, hehe engkim hi a thlawnin a lak zung zung theih ta mai. Games hi chuan mi tihlim ve thin khawp mai. Ka zan hnathawh a hahthlak em avangin tunlai chu chawlh ka la hrih a, ka hman ema ka zawn ziak mai mai a nih hi. He post hi misual.com lamah ka post tawh a, an comment na leh games dang an rawn sawi hi enduh kan awm tak in, Hetah Click keuh!

Ka lawm e!

Whats say u, Dude!

Read more »