(Thuhmahruai: A thupui atang hian a chiang sa, History lama tui i nih chuan a zia deuh mai thei, i peih chuan chhiar la, peih loh chuan a pawi chuang lo, chhiar kher duh suh. Ni 6/02/2009 a ka awmhlei tih tur hrelo, kan subject Chapter pakhata, a tir lam ka lehlin mai mai ani. History lampang hi ka la post miah lova, ka vawikhatna a ni e. Ka hul riau mai a, blog update ve nan hrim hrim.)
 |
| Sanchi Gate and Stupa, Ashoka hun laia an sak |
India rama mihring an chen tantirh lai vel hi Kum BC 2500 vela chhutin, Indus Valley an tih tun thlenga India ram an tih tak hi ani. He civilization hian kum 100 vel awhin Harappan Culture tia vuah ani. Hei hi tun hnu thlanga an inthendarh tan dan hmahruaitu a tih theih bawk ang.
Hemi hnu kum Bc 1500 velah Aryan kan tih India ram luahtu hmasa nia hriatten India hmar lam luahin, muang changin chhak lam, Vindhya Hills thlengin an thuhnuaiah an dah a. Chumai niloin India ram luahtu/ awmsa dik tak Dravidian's kan tih te pawh south lamah an nawr thla a ni.
Aryan thlah hnuaia hnam hrang hrangte chu zau zawka inzar darhin Ganges ruam thleng in an luah zela, Kum Bc 7 na velah phei chuan an chak tawhin, inhlawm khawmin lalram 16 zet an siam hman tawh a ni. Chumi inzawmkhawm atanga lo piang state 4, Kosala leh Mahadha telin Kum bc 5-na velah chuan chak ber leh thiltithei ber an ni. Kum Bc 364-na ah India hmarchhak pawh Nanda Dynasty rorelna hnuaiah a awm a, Hemi hun chhung hian Indona pahnih a pumpelh a. Chumi chu west lam atang Persian Lal, Darious-a (521- 486 Bc) ani a, a dang pakhat chu Alexander the Great, Greece ram atanga India ram Bc 326-a rawn run tum a ni.
India Lalrama thuneitu tak tak hmasa ber a chhal ngam chu Mauryas ho an ni. Anmahni hian North India leh South India ram thenkhat chu thuneihna pakhat hnuaiah an dah a, Chanakya kaihhruaina hnuaiah chuan Chandragupta Maurya chuan lalram dinin ram leh hnam inrelbawlna changtlung tak an din ani. An vanglai tak tak chu Ashoka rorelna hnuaiah an awmlai a nia. A lalna hnuaiha hian tun thlenga kan la hmuh theih- Thlan leh lunga thil ziah leh cheimawi min hnutchhiah teuh a ni. Amaherawh chu a thih hnu kum 232 Bc velah chuan an lalram chu tlukchhiat lam panain a tawp atawp ah chuan a kehchhe vek ta ani. He lalram kehchiat tak tak hi kum Bc 184-na vel a ni.
Maurya lalram a tlukchhiat hnua lalram lo ding leh hmasa ver chu Guptas lalram ani. Amaherawhchu Maurya lalram ang em ema lian erawh a nilo. Chuvang ani mahna, kum Bc 335 atanga 455 thleng chauh he lalram hian ro a rel. Maurya lalram a tlukchhiat hnu hian lalram tam tak Central India leh South India ah an ding a- Satavahanas, Kalingas, Vakatakas te chu tlema lian deuh, sawi tham an ni. A hnu rei lutuk loah he hmunah tho hian lalram chak tak tak lo dingin- Chotas, Pandyas, Cheras, Chalukyas leh Pallavas tia kan hriatlar te an ding leh bawk ani.
North India lamah Gupta lalram a tlukchhiat hnu chuan lalram tenau te te lo ding mahse ramin hma asawn tak tak thei lo. Ram inrelbawl dan a dik tawh lo. Hei hi kum zabi 9-na vel ani. Chuvangin he thil avang hian Muslim hovin India ramah lo lut in, India an rawn run ani. Hei hian enge a hrin chhuah kan tih chuan kum zabi 11-na chawhnu lamah India ram chu hlawhtling takin vawi 17 lai an run leh bawk ani. North India lamah Mahmud of Ghazni in kum 1001 leh 1025 inkarah runin a hnu lamah Mohammed of Ghur in an run leh bawk ani. He thilin a nghawng chhuah lian ber chu India rama hmun tam zawk chu muslim rorelna hnuaiah kunin hnehtu changtu Qutub-Ud-Aibak chu Delhi a lal hmasa ber ani ta ani. A hnung rawn zuitu Khaljis-a leh Tughlag-a te chuan North India a ram tam zawk an awpkhawm ta ani.
Sawihmaih hauh loh tur chu Indian History a sulsutu pawimawh ber pakhat chu Mughals rorelna hnuaia kan awmlai kha a ni. Babur, Hamayun, Akbar, Jahangir, Shah Jahan, Aurangzeb leh midang dang te chu he Lalram hnuaia lal hmingthang leh lal ropui te an ni. Hetih lai hian ramin Arts leh Literature ah te hma kan sawn nasa em em a, an kut hnu te hi tun thlenga hmuh theihin a la awm a ni. An kutchhuak zingah hian khawvel thlan ropui ber pawla an sawi Shah Jahan's Taj Mahal te, kulh te, Lal In ropui tak tak, biakin Mosques, huan leh eng eng emaw tam tak min hnutchhiah teuh bawk a ni.
Aaaa..... Tawk mai teh se!
10 comments:
I zawhna kha hetah hian ka rawn chhang mai.. Dashboard ah i lut ang a, Design ah khan lut leh la.. I luh hnuah Add a Gadget tih kha click la, Box a rawn inhawng ang a. More Gadgets tih kha click la, khatah khan Counter chu zawng la... Chi hrang hrang a tam a, i duh ber kha i telh tawh mai dawn nia.. Heti bak hi chuan ka sawi chiang thiam chiah bik lo.. :-)
@TK-a chu i lo lenglut a, ka lawm khawp mai. Nie i sawi ang hi chuan ka ti a, pakhat chu ka dah vea, ka blog kil sir lam ang hi. Mahse hei, i blog ami ang hi nia ka tih chu, hetiang hi,. http://i54.tinypic.com/2emfn04.png
Hman atanga tun thlengin India history kan zir reng a, BA-ah general-ah ka la bawk a, ka tan chuan he post hi post pawimawh tak a ni. I kaitawi thiam ngawt mai :-)
Ala-uddin Khilji khi lehkhabu thenkhatah i ziah anga 'Khalji' ti-a ziah a ni a. High school-ah 'Khilji' tiin kan zir a, higher-ah 'Khalji' tiin kan zir leh a. A danglamna tam lo mah se tun thlengin ka rilru a la tibuai, a hming ka chhiar apiangin.
Ts-a nen chuan ka subject lak a inang ani maw? BA History Honors ka laa, Old is Gold an lo ti mathlawn lovin, History hi tangkai tak ania. History tui lo vek vek chu, ninawm anti thei khawp mai, :) Ka post min hlutder saka, ka lawm khawp mai
David....kan thiana hi alo na mai lo mange!!! Chhiarnuam tkk,History ka la lo na in,chhiar nuam ka ti tei tuk,ka chhiar peih xong tak ani,a dang te poh lo post teuh ula..... Eng History poh ka chhiar peih,tun hi skul kal kongah (train) ah nya ka chhiar....hahha..!
Lal sung2 i chu ilo lenluh ve teh khiah chu le, chup! Tak tak emaw kan lo tipalh ange. I reh rei ta vang vang hle mai, nuam meuh maw? In awmna chu? Tha deuh khan ilo zir dawn nia, i lo tlawh ve zeuh zeuh thin ang chu tiraw, hun i neih chuan, thu ho tete ni mahse, lols
A ngaihnawm hle mai. Indian history hi a ngaihnawm ka ti khawp asin. A dang pawh lo ziak fo teh. Harappa khawhlui te kha laih chhuah an ni a. Kha khuaa chengte kha tu te nge le? An khua kha engti tihin nge leiin a chhilh vek theih le?
@Caribou, ka lawm e, i lo chhiar peih avangin. Hre ber chu ka ni hauh lo a, mahse lo besei turah ngai ila, :)
The Himalayas, home of the snow, is the most impressive system of mountains on the earth, and for centuries the setting for epic feats of exploration.
Tha hle mai .ka hlawkpui lutuk ��
Post a Comment